Shillong, Nailar 05: U Chief Electoral Officer u Dr. B.D.R Tiwari mynta ka sngi 05/Nailar/2026 u la ong ba la pynmih ia ka Electoral Roll ba la pynkhreh 2026 na ka bynta baroh 60 tylli ki konstitwensi ha ka jylla katkum ka Special Intensive Revision 2026 kaba la pynbna da ka Election Commission ka Ri India.
Katkum ka jingpynkhreh haba iadei bad ka S.I.R ki nongthep vote baroh ki don 23,49,645 ngut kane ka long katkum ka jingdon ki nongthep vote katkum ka S.I.R 2005 hadien bala sdang ia ka S.I.R la shem ba 1,80,402 ngut ki bym shym la pynrung ha ka electoral roll bala pynkhreh napdeng kine 81,490 dei kiba la khlad, 45,011 kiba ym lap shaei ki don,42,532 dei kiba la mih ki bym treh ban shim ia ki phom ban pynrung kyrteng ki don 4668 ngut bad kiba la shah weng kyrteng namar ki don kyrteng ha ar tylli ki jaka ki long 6701 ngut.
Hadien ba la pyndep ia ka S.I.R ki nongthep vote katkum kane ka Electoral Roll 2026 ba la dep pynkhreh ki nongthep vote ki don 21,69,243 ngut, ki shynrang ki don 10,53,039 ngut, ki kynthei ki don 11,16,199 bad ki bah kong ki don 5 ngut ia kane ka Electoral Roll ba la dep pynkhreh la pyllait paidbah mynta ka sngi ha baroh ki ophis jong ki Deputy Commissioner bad Civil Sub Division ha ka jylla.
Haba iadei bad ki jaka thep vote ka Election Commission ka RI India kala ai jingmynjur ia 98 tylli ki jaka thep vote kiba thymmai da kane ka jingdon ki jaka thep vote ha ka jylla baroh kawei ka la kiew sha ka 3637 tylli na kaba mynshuwa kiba don 3551 tylli.
Ha kajuh ka por la iathuh ba lada don mano mano ba jah kyrteng naduh mynta ka sngi 05/Nailar/2026 haduh ka 04/Nailur 2026 ki lah ban pynrung kyrteng ialade da kaba pyndap ia ka phom 6 ia ki phom lah ban ai sha ki BLO lane sha ka tnad Election jong ki Deputy Commissioner ryngkat ki kot ki sla ban pynshisha ban ioh rung ha ka Electoral Roll.
