Shillong, Nailar 07: Ka Martin Luther Christian University (MLCU) kala ioh pdiang iaka jingkyrshan pisa ban wat bniah ia ki rukom khwai doh kha tynrai na ka British Museum, London. Ka thong jong kane ka long ban thoh bad ban rekord iaki buit bad ki tiar tynrai jong ka jylla Meghalaya.
Ka kyrteng jong ka projek ka dei “Documentation of the Production of Traditional Fishing Tools and Their Use in Freshwater Environments of Meghalaya, India”. Ki nongialam kane ka projek ki long u Dr. Rajindra K. Puri na ka University of Kent, UK, ryngkat bad ka Dr. Larilin Kharpuri, ba dei ka Professor, MLCU bad u Dr. Pranjal Dubey, u Assistant Professor, MLCU.
Ka shnong ba la jied ha kane ka projek kan pynleit bhah khamtam ha ka imlang sahlang ki Pnar ha shnong Sohmynting, West Jaintia Hills District. Katba iaki tiar tynrai, yn wad da kiba la shna da ki tynrai kum ki tyndong, ki tlong bad ki jait siej ne ki tynrai kiba long ki jait buit bad ki tiar shna kiba iadei bad ka mariang.
Ka jingma kaba don na kane ka long namar ka jingwan tyllep ki buit thymmai jong kane ka juk kaba mynta bad ka jingkylla ka mariang, kine ki rukom buit thymmai tynrai ki don ha ka jingma ban jah noh.
Ka jingeh bad ka phang jong ka MLCU ka long ban thmu ban pynneh pynsah ia kine ki rukom tip tynrai na ka bynta ki pateng ban dang wan bad ban pynneh pynsah iaka mariang bad ka riti dustur. Kaba kham bniah ka long ban pynneh pynsah iaka jingshemphang tynrai jong ka jylla Meghalaya.
