Shillong, Nailar: Ka tnad rep soh jong ka sorkar jylla kala pynlong ia ka jingai jinghikai ha ka shnong Purakhasia ha SWGH District hapoh ka Block Purakhasia ban hikai ia ki nongrep ban iada na ka jingiap tram ki dieng kwai.
Ha kane ka jingai jinghikai la wan ban ia shim bynta da ki dkhot jong ki nongkit kam shnong, ki seng trei mon sngewbha, kane ka jinghikai ka long ban pynsngewthuh iaka khlam iaptram ki diengkwai bad kum no ban kham pynbha ban kyntiew ia ka kamai jong ki nongrep.
Ha kane ka jingia jinghikai ki ophisar ka tnad rep soh kila pynshai kumno kane ka jingiap tram ki dieng kwai ka sa phriang bad ka ktah ia ka ioh ka kot bad kiei ki lat ki lynti ban iada, na ka liang ki ophisar kila ai jingmut ban pyndon kam 1% Bordeaux mixture ar sien shuwa ka por slap bad ynda la slap kum ka jingiada.
Ha kane ka jinghikai la btai ban pyndon kam ia ki symbai kiba bha, sumar bha ia ka jaka rep, kumno ban khien ia u kwai bad ban kiew ka jingioh, kane ka ei shibynta jong ka sorkar ban rep katkum kane ka juk stad kaba mynta.
