Shillong, Nailar 16: Ka jylla Meghalaya ryngkat bad ka Ri India baroh kawei kala rakhe pyndon burom ia ka sngi laitluid kaba 80 ha kylleng ki bynta jong ka jylla da kaba pynher ia ka lama lai rong jong ka ri.
Ha kane ka nongbah Shillong u myntri rangbah ka jylla u Conrad K Sangma u la pynher ia ka lalam jong ka ri India bad ha kane ka sngi u la kren ia ki kam kiba ka sorkar kala leh ha ka jingiadon lang ki heh ki hain ka sorkar jylla.
Ha iing jong u Lat ka jylla ha Lok Bhavan ia ka lama la pynher da u Lat ka jylla u C. H. Vijayashankar bad katei ka sngi kala don ka jingrakhe kaba kyrpang mynta u snem da kaba pynlong ia ka shad tynrai jong ki jylla bapher bapher jong ka Ri India ha kane ka sngi la pyninam ruh ia ki jain tynrai kane ka jylla.
Ha Meghalaya Hight Court ia ka lama jong ka Ri India la pynher da ka Chief Justice Mrs. Justice Revati Mohite Dere ha kane ka sngi la pynlong ruh ia ki jingshad tynrai kane ka jylla hapdeng ka jingshong kun.
Ka jingrakhe ia ka jngleh burom la pynlong ruh ha baroh ki nongbah jong ki khatar tylli ki District , ki Civil Sub Division bad ha ki block ruh kum juh, ha baroh kine ki jaka kiba la pynlong ia ka jingleh burom ia ka jingioh laitluid ka ri na ka kti ki nongwei la wanban ia shim bynta da ki paidbah da ka jingkmen.
