Shillong, Nailar 16: U Myntri rangbah ka jylla u la pynher ia ka lama lai rong ka Ri India ha ka jingrakhe ia ka jingdap 80 snem jong ka jingioh laitluid ka Ri India ha Madan Polo ha ka 15/8/2026 ha kaba u la kren ruh ia ki kam kiba ka sorkar kala dep ban leh ha kine ki phra snem.
Kawei na ki mat kiba u myntri rangbah u la kren ka dei ka surok, u la ong ba ka jinglong jong ka jylla namar ka jingdon ia ki rait ki ram kala buh shibun ha ka jingeh ha kaba shna ia ki surok hynrei ka sorkar kala leh ia kaba don kam ban pynpoi ia ki surok ha ki shnong ki thaw.
U myntri rangbah ka jylla u la ong ba ha kine ki phra snem kiba la dep ka sorkar kala shna haduh 32,00 kilometer ka sorkar ha ki bynta bapher bapher jong ka jylla ka sorkar ka ngeit ba lyngba ki surok yn kyntiew ia ka ioh ka kot.
U myntri rangbah la ong ba kine ki surok kaba ki shna kam dei tang ba kin iaid ki kali hynrei haba bha ki surok, ka pynsuk ia ki khynnah skul ka pynsuk haba pynpoi ia kiba pang ba shitom sha ki jaka ai jingumar bad ka khring ki wan nongwan jngohkai pyrthei.
