Shillong, Nailar 16: Ka jylla Assam bad Meghalaya mynta ki don hynriew tylli ki thain kiba dang don ha ka jingiakam kaba mar kylliang ia kaba ym pat lah ban pynbeit hapdeng kine ki ar tylli ki jylla.
Katkum ki khubor kiba la ioh ka tnad election commission jong ka Ri India ka shem jingeh ban pynbeit ha kane ka Special Intensive Revision (SIR) namar ki nongshong shnong kim shai ha ka jylla aiu ki don ha Meghalaya ne Assam.
Katkum ki lat jingti kiba la ioh la iathuh ba ia kine ki shnong kiba don ha pdeng ka jingiakam kaba mar kylliang ha pdeng ka Assam bad Meghalaya ka pynneh kum juh kuma ka long khlem da ktah ha kane ka SIR.
Ha kane ka SIR kaba la dep ban pynmih ka bui ki nongthep vote ka election commission kala weng ia kiba don ar tylli ki kyrteng bad la buh ba kin don noh tang ha kawei ka jaka kaba ki kwah, hynrei ha kito ki shnong kbia don ka jingiakammar kylliang ka buh ha ka jingeh.
