Shillong, Nailar 25: U Nongialam barim ka seng Khasi Student’s Union, u bah Wallambokstarwell Marngar, bad kiwei ki dkhot mynta ka sngi 25/Nailar/2026 kila leit jngoh ia ki lai ngut ki nongialam ka seng ha Shillong District Jail hadien ba kila ioh jingtip bala wan ialam ia ki na Garo Hills sha Shillong.
U bah Wallambok haba kren ha ki lat pathai khubor u la ong ba kila ioh jingtip mynta ka sngi ba la wan ialam sha Shillong ia ki dkhot ka seng kiba la shah kem, u samla Raymond Kharjana,ba dei u President, u samla Pynkmenlang Sanmiet Vice- President bad u samla Reuben Najiar u General Secretary.
U President barim u bah Wallambok u la ong ba kila wan sha District Jail ban wan jngoh ia ki nongialam ka seng hadien ba kila ioh jingtip ba la wan ialam sha Shillong haba iadei bad ka jingkhot ia kren ka sorkar ka Central Executive Committee kan dang ia shong mynta ka janmiet ban iakren.
Ban pynkynmaw ba ia kitei ki lai ngut ki nongialam ka seng KSU la kem ha ka miet 19/Nailar/2026 bad la rah ia ki sha iingbishar ha ka 20/Nailar/2026 ha kaba la phah ia ki sha ka Judicial Custody na ka bynta 14 sngi bad la rah noh ia ki sha Garo Hills bad mynta ka sngi dang step la pynpoi ia ki sha nongbah Shillong.
