Shillong, Nailur 09: Umyntri rangbah ka jylla u Conrad K Sangma mynta ka sngi u la lum ia ka jngialang kaba kyrpang ban peit bniah ha kaba ia dei bad ka jingdon ki jaka ai jingsumar ha ka jylla baroh kawei, la ong ba lada jinglah ban pyndep ia ki 110 tylli ki dispensary bad kiba dang shna ki long 200 tylli bad ha u snem 2027 ka jylla don don 700 tylli ki dispensary.
U mytnri rangbah ka jylla ha kane ka jingialang u la peit ia ki jingdon ki jaka ai jingsumar ha ka jylla baroh kawei khtam tam eh ia ki dispensary bad ia kiwei ki jaka ai jingsumar ha baroh ki district ka jylla kynthup ruh ia ki hospital, kaba kongsan eh ia ki lat jingsumar sha ki nongkyndong.
Ka sorkar kala kyntiew kyrdan ruh ia ki jaka ai jingsumar kum ha Bajengdoba, Byrnihat, Mahendraganj, Raksamgre bad Mylliem Umthlong, ka jingshna ia kine ki jaka sumar la jan dep bad ha u bnai Kyllalyngkot 2027 yn sa pyntreikam ia ki bad kum juh ka Hospital kaba 100 jingthiah ha Resubelpara.
Ka jingshna ia ki jaka ai jingsumar ka dang iaid sha khmat bad ynda la pyndep kan dang ka jingkiew ha ka jingdon ki jingthiah sa 600 tylli bad da kane ka jylla kan sa kynjoh sha ka 7000 tylli ka jingdon ki jingthiah ha ki jaka ai jingsumar ka sorkar bad ha kine ki sans nem ka sorkar kala pynlut T.750/- klur ban shna ia ki jaka ai jingsumar.
Ka jingiap jong ki khyllung kala hiar da 40% ha ki sans nem ka jingiap ki khyllung ka long 3,064 ngut hynrei naduh u snem 2020-2021 haduh mynta snem 2025-2026 ka jingiap ki khunlung ka long tang 1,833 ngut, katba ka jingiap jong ki kmie ha ka por kha khun kala hiar da 57 % bad ka sorkar kala kut jingmut ban dang pynbha shuh shuh ha ka liang ka koit ka khiah.
