Shillong, Nailur 09: Kawei na ki mat jingdawa ka seng Khasi Student’s Union ka long ba ka sorkar Meghalaya ka dei ban pyntrei kam ia ka Meghalaya Residence Safety bad Security Act, 2016, ban pyntrei kam noh ia kane ka ain mynta ka sngi kala don ka jingleit jurip ia ka khyrdop ha Umling da u Deputy Commissioner ka Ri Bhoi District bad ki dkhot ka seng.
Ki nongialam ka KSU North Khasi Hills district unit haka jingialam jong u President u Samla Ferdynald Kharkamni kila la leit ban ia kynduh ia u Deputy Commissioner ba hadien ka jingioh shithi napoh ka Office jong u Deputy Commissioner ka District Ri Bhoi ban don ka jing kynduhlang ha ophis u DC bad ki heh ophisar na ka tnad jngohkai pyrthei bad ka tnad ka kit ka bah.
Ha dien ba kila ia kynduh ha ophis jong u Deputy Commissioner ka Ri Bhoi District kila sha Umling kaba don ka jaka kaba la pynmang kyrpang ban shna iaka ka khyrdop ban peit ia ka jingwan ki briew sha kane ka jaka kaba dei ka jaka rung jaka mih.
Haba la dep ia ka jingjurip u Samla Ferdynald Kharkamni President ka KSU North Khasi Hills District u la ong ba hadin ka jingioh iaka shithi napoh ka Office jong u Deputy Commissioner ka District Ri Bhoi ha ka sngi 8/Nailur/2026 mynta ka sngi kala don ka jingiakynduh lang shwua ban kin wan jurip ia ka khyrdop ha Umliang.
Ha kane ka jingwan jurip naka liang ka Seng kala lap ruh ba ha kane ka jaka la pynmih sah ar tylli ki ophis, kawei pat ka dei ka Rest Room kaba dei 1000 phit sawdong bala shim da ka tnad jngohkai pyrthei bad kin don 11 tylli ki dukan die bam bad kan shim ia ka jaka kaba 11500 phut sawdong.
Katba ia ka khyrdop ban talasi ia ka rung ka mih jong ki briew kiba na bar sa kane ka jylla kan long tang 1000 phut sawdong iane ka seng kam lah ban pdiang, kin dang ia kynduh biang ban iakren bad ban pyntip sha ka Central Executive Committee na ka liang ka KSU ka kwah ban ka jingheh ka khyrdop kam dei ban duna ia ka 5000 phut sawdong ha Umling.
