Shillong, Nailur 14: Ka seng Meghalaya Body Builders’ Association (MBBA) kala leit ban ia shim bynta ha ka jingiakop pynidoh ksah ha Kohima ka jylla Nagaland kaba la tip kum ka 2nd North East Body Building Championships kaba pyniasoh bad ka IBBF Mumbai kala dep ban long ar sngi kynter ha ka 11 bad 12 mynta u bnai.
Ha kane ka jingialehkai pynidoh ksah na Meghalaya ki don saw ngut kiba la leit ban ia shim bynta, ar ngut ki rangbah kiba kynthup ia u Vikas Chettri ha ka kynhun kaba 80 kila, u Taichang K Marak ha ka kynhun kaba 70 kilo. Katba na ka liang jong ki kynthei kiba laleit ban ia shim bynta ki long ka Shano Chelsy M Sangma bad ka Dr. Mebanrilin Synnah.
Ha kane ka jingialehkai u Vikas Chettri u la ioh ia ka takma rynong ha ka kynhun kaba 80 kilo bad u Taichang K Marak u ruh kala ioh ia ka takma rynong ha ka kynhun kaba 70 kilom kaba na ka liang jong ki kynthei ka Dr. Mebanrilin Synnah kala wan ba saw ha kane ka kynhun.
Ia kane ka jingiakop la pynlong da ka seng Nagaland Bodybuilding and Fitness Association (NBBFA) hapoh ka lama jong ka Indian Bodybuilding and Fitness Federation (IBBFF) bad jong ka Northeast Bodybuilding Federation (NEBBF).
Ha kane ka jingkop la bhah ha ki khyndai tylli ki bynta, haki lai kynhun, Ki shynrang ki don ha ki hynriew tylli ki bynta kita ki long, 55 kg, 60 kg, 65 kg, 70 kg, 75 kg, bad 80 kg shnaneng bd ka jingjrong ki dei ban palat ia ka 165 cm, katba ia ki kynthei khlem buh kyndon.
Ha kane ka jingiakop u Councillor ka Ward 19, Kohima, Medoviu Martin Suohu, u la wan ban ia don lang kum u ba shah khot kyrpang bad u IGP IGP ba die peit ia ka Armed Battalion-NAP u Imnalensa, IPS, la shah khot kum u symbut kongsan.
