Shillong, Nailur 14: Mynta ka sngi 14/Nailur/2026 u myntri rangbah ka jylla u Conrad K. Sangma u la khot ia kren ia ki nongialam ka Hill Farmers Union ha kaba iadei bad ka jingiap khlam ki sniang ha ka jylla na ka jingpang African Swine Fever.
U President ka HFU bah Commander Shangpliang haba kren ha ki lat pathai khubor hadien ka jingiakynduh ia u myntri rangbah ka jylla la ong ba un sa ia kren bad ka tnad ri mrad hynrei kam shym don kano kano ka jingkular ban ai jingiarap ia ki sniang kiba la iap.
Na ka liang jong ki, ki ngeit skhem ba ki ophisar jong ka tnad ri mrad kin sa pynshai bad pynsngewthuh ia u myntri rangbah ka jylla ban ai jingiarap ia kito ki nongri sniang kaba ki sniang jong ki kila iap na ka jingpang khlam bad ki khmih lynti ba ka sorkar kan ai ia ka jingiarap.
Kum ka seng ka dang iai buddien bad ban pyntikna ba ka jingiarap ki dei ban ioh bad ki khmih lynti ba ka sorkar ka lah ban leh eiei hapoh ar bnai bad ka seng kan nang iai buddien ia kane ka kam khnang ba ki nongrep kin ioh ia ka jingburia ia ka jingiap ki sniang na ka sorkar.
Haba iadei bad ka jingdawa ban map ram ia kiba shim ram ban ri sniang na ka skhim Piggery Mission u myntri rangbah u ong ba yn sa ia kren bad ka tnad ri mrad lada ka sorkar kam lah ban map ram ruh ka dei ban ioh ia ka jingiarap na ka sorkar.
Haba iadei bad ka Polisi ia ka rep ka riang u myntri rangbah ka jylla u la iathuh ba ka sorkar kala dep ban pynkhreh ia ka polisi rew ha kaba ki paidbah ki lah ban ai jingmut sha ka sorkar aiu ki don ban ong na ka liang u president ha HFU u kyntu ba lada don mano mano kiba kwah ban ai jingmut kin sngewbha ban leh ia kaba donkam.
Haba ia dei bad ki jaka ban peit bniah ia ki jingri ha khappud bad kane ka dei ban long ha khappud ha kano kano ka jaka kaba wanrung ki sniang sha kane ka jylla bad lada ka sorkar kam ioh jaka ki kloi ban iarap ban peit ba ki sniang kin nym iap.
