New Delhi, Nailur 14: Ka tnad pynmih bording ka sorkar pdeng kala mynjur ban die ia ka bording haduh 18 kynta ha ka shi sngi sha ka ri Nepal ka Nepal Electricity Authority naduh 13 tarik Nailur 2026 haduh 31/Nohprah/2026.
Ka jinglah ai bording ban phah kan long haduh 600 MW ka bording ba khlain na ka lynti Muzaffarpur – Dhalkebar 400 kV D/c lain bad haduh 54 MW na ka lynti Tanakpur – Mahendranagar 132 kV S/c lain. Iaka jingai bording kaban sdang naduh u Kyllalyngkot 2027, yn sa khmih biang ha u Nohprah 2026.
Na ka daw jong ka jingshlei um kaba shyrkhei ha kane ka ri kala pynlong ban duh noh iaka bording ha Nepal, kaba lam sha ka jing pynduna iaka bor pynmih bording elektrik hapoh kane ka ri bad kaba pynlong iaka jingdonkam elektrik kaba kham bun.
Kumta da kane ka jingioh jingiarap ban ai bording iaka Nepal kan iarap iaki paidbah katei ka ri bad kin pyndonkam iaki jingdonkam jong ki ha kum kane ka por ba don jingeh bad kan pynskhem iaka jingiatreilang ban ai bording kaba slem hapdeng ka India bad Nepal.
Katba ka India kan neh iaka jingkular jong ka ban kyrshan iaka Nepal bad kan pynskhem ruh iaka jingiatreilang ar mamla ha ka tnad bording.
