New Delhi, Risaw 25: Ka kynhun tohkit jong ka Central Bureau of Investigation (CBI) kala ioh ban kem ia u Satyendra Kumar u ba kila kwah ban kem ha kaba ia dei bad ka mukotduma Fodder Scam.
Ka CBI kala dep ban ai ia ki jingnishan pyrshah ia u Satyendra Kumar ha u snem 2001 hynrei u ne u briew u la phet rieh noh bad kala shim por ia ka kynhun tohkit ba kan lap ia u ha dien 25 snem bad ka jingbym wan hajir ka pynlong ia ka kynhun tohkit ban kem ia u katba ki lap.
Halor ka jingpyndon kam ia ki kor ki bor katkum kane ka juk kaba mynta ryngkat ka kynhun syntiat ka CBI kala shem ia ka jaka sah jong u ha ka ri Nepal bad dang shen u la wan rung sha India da kaba wan ha Guna ka jylla Madhya Pradesh bad nangtei u kiew sha Lucknow da ka rel ha ka 22/10/2026.
Mar ia ioh ia kane ka jingtip ka kynhun CBI kala phah ia ki briew ha station rel ha Lucknow bad mar ia poi kila kem ia u bad ia u la rah sha Ranchi bad ia u kin sa rah sha iing bishar ban bishar ha kaba ia dei bad kane ka kam kynnoh bamsap.
