Shillong, Risaw 25: Ka sorkar Meghalaya kala shna pynbha shuh shuh ia ka “Cenotaph” kaba don ha bynta ba sharun jong ka jong ka Babupara hapoh ka sor Tura ba dkane ka jingtrei ka dang iaid sha khmat.
Ia u ne u mot la teinam ban kynmaw burom ia ki riew rangbah ka jaidbynriew Garo kiba la leit sha ri France ban long ki nongkit nongrah ban ia rap ia ki shipai ha ka thma bah kaba nyngkong bad wan phai ha ka 16/Naitung/1918 ha kaba la pdiang burom ia ki da ki paidbah ka Garo Hills.
Ia kane ka sngi burom “Garo Labour Corps Day” la rakhe ha ka 16 tarik u Naitung jong man la u snem bad mynta u snem kala kot sha ka 108 snem ba kum ka jaidbynriew garo kala pyndon burom ia ki riew rangbah kiba la wan phai biang na ka thma.
Ha ka por ba buh ia u mawnongrim ha u snem 2025 ban shna pynbha ia kane ka jaka u myntri ba dei peit ia ka tnad samum ula kren shai ba ha u maw mot ba kin shna thymmai ym thoh ia ki kyrteng jong baroh kito ki Garo Labour Corps kynthup ruh ia kito kiba khlem don kyrteng mynshuwa.
Kane ka jingshna ia dur mot ka dang iaid mynta ha Babupara kaba don ha rud surok bad ia u mot barim la ieh kumto khlem da pynpra haba u SP News Agency u la poi ha katei ka jaka la shem ba ka jingtei ka dang iaid bad ki trai shnong ki pynsngew ba shen ym sa lah ban pyndep.
