New Delhi, Risaw 25: Ka sorkar jong u Narendra Modi kala buh ia ka thong ba ha ka 32/Nohprah/ 2029 kan pynduh pyndam ia ki lynti ba ia shallan ia u drok bad ia kane ka jingkhynra drok la ai kyrteng da ka “Operation Trident”.
Ban nym ai lad ia ka jingiakhaii drok Narcotic Control Bureau kala pynlong ia ka jingkhynra ha ki 38 tylli ki jaka ha ali tylli ki jylla, ka Assam, Manipur bad Mizoram kane ka long ban rat diengkhong ia ki nongkhaii drok bad ha kane ka jingkhynra la shem ka jngpyntyllun ia ka pisa ka long palat spah klur tyngka.
Kane ka kynhun tohkit kala shem ba palat spah klur ka pisa kala iaid bad ha kane ka jingtohkit la knieh 1,424 tylli ki Bank Akkount jong ki briew bad ka pisa kala kot sha ka T.17.82 klur, la ioh ban kurup 500 tylli ki Dainamait, laioh kurup T.12 lak ka pisa bad la ioh ban kem 18 ngut ki briew, ka sorkar kala kut jingmut ban pynduh ia ka jingshallan drok ha 31/Nohprah/2029.
Ka Narcotics Control Bureau (NCB) kala pyntreikam ia ka “Operation Trident” haba sdang mynta u bnai Risaw bad da ka jingiatreilang bad kiwei ki kynhun syntiat ha ka 23/Risaw/2026 bad ka jingkhynra ha kajuh ka por ha baroh lai tylli ki jylla bad ha ka juh ka por baroh 38 tylli ki jaka.
Ka NCB kala ioh ban kem ia u Thangcintuang bala sien kyrteng da u Chintuang bad alias Tluanga ia u la kem na Delhi, ia u Vungkhanthawna u nongshallan ba dei na Myanmar, ia u Lalrampari u ba pyniaid ia ka pisa ha kane ka jingiakhaii dok bad ia u Abu Saleh ba sien kum u Saifuddin ba na Assam ba shllan ia u drok la kem na Cachar.
