Shillong, Nailur, 18: Ka jinglong Vice Chancellor u Prof. Prabha Shankar Shukla kala kut ha ka 26/Naitung/2026 hynrei mynta la jan ar bnai ka tnad pule puthi jong ka sorkar pdeng kam pat lah ban thung bujli ia u V.C. ba pura ha ka skul bah North Eastern Hill University Shillong.
Katkum ki thymmei khubor la iathuh ba kiba bun kila kwah ba ka sorkar pdeng ka dei ban pynkloi lan ban pynioh noh ia u V.C. ba pura khnang ba kane ka skul bah kan iaid beit iaid ryntih na ka bynta ka jingbit jingbiang ki samla pule ha kane ka skul bah jong ka sorkar pdeng.
Ka sorkar pdeng kala thung shipor ia u Prof. S. K. Barik ba un peit iaki kam ki jam kane ka jaka pule jong ka sorkar pdeng kaba don ha Shillong ban pyniaid iaki kam ki jam haba iadei bad ka pule puthi hapoh kane ka skul bah.
