Shillong, Nailur, 18: Ka tnad pulit kala pyntip katba ki pulit ki dang khynra iaki kali ba iaid ba ieng hajan Samkhamti, petrol pump kum shi bynta ban peit iaka suk ka sain hynrei kawei ka scooty kaba la pynher stet kala tynrah ia u Additional Superintendent ki pulit ha Umkaliar.
Ha kane ka jingtynrah u Additional Superintendent ki pulit u la shitom bad mar mar la pynkit sha Woodland Hospital ban ioh iaka jingsumar na ka liang ki pulit ki suba jur ba ki lah ban dei ki dkhot jong ka KSU.
Ki pulit kila iathuh ba ha kane ka scooty ba khlem nombar la shong ar ngut ki briew, ki pulit kila pynsangeh hynrei kila pynher stet bad tynrah beit beit iaki pulit bad ha kane ka jingjia utei u ohpisar u la mynsaw.
Na ka liang ki pulit kila registar iaka ejahar ba kane ka jingleh ka thew beit iaka jingthmu ban pyniap briew bad ban lait na kti ki pulit. Halor kane ka jingjia ki pulit kin pynlong iaka jingtohkit ban pynshitom katkum ka ain.
