Shillong, Nailur 21: Mynta ka Sngi ka 21/Nailur/2026, ka Jaiñtia National Council JNC Central Executive Committee hapoh ka jingialam u General Secretary ka CEC u bah Wanshwa Suting lem bad ki dkhot ka seng, kala leit ban jurip ia jingtei iak a ka Eklavya Modern Residential School kaba don ha East Jaiñtia Hills haka shnong Kairang.
U bah Wanshwa Suting haba kren sha ki lad pathai khubor ula ong “Ha kane ka jingpynlong ia ka surprise inspection ka seng ka la shem ba ia kane ka project la pyntrei daka Badri Rai Company bad ha ka jingjurip la shem ba kane ka Badri Rai Company ka la wanrah iaki nongbtrei bar jylla kiba na bar ka jylla ban trei ha kane ka project bad kiba bym duna ia ka shispah ngut, Ka seng ka lap ruh ba kine ki briew kim don pat ia ki license ne ki kot ki sla kiba donkam.
Iaki labour kiba dei ki non tribal haba ki wan trei shapoh ka jylla Meghalaya ki dei ban pynbiang naduh ka registration card kaba katkum ka MRSSA 2020, katkum ka section 6 (1) ba ki non tribal labourers ki donkam ruh ban register haka Office Of The Registration Officer, nalor kata kine ki bar jylla kim don ruh iaka Employee Service License ka ba dei kat kum ka Rules 20 (1) jong ka Jaiñtia Hills District Autonomous Council Trading by non tribal rules 2015.
Kane ka skul ka long kaba ai jingmyntoi shisha bad kan ïarap ruh shibun ia ki riewlum bad ka thaiñ hi namar kan sa don ki hostels, ki kynja sports, ki jinghikai kum ka skill development bad ki jinghikai bapher bapher, kin don ruh ki jingmyntoi ia ki trai ri ban iohkam iohjam haki department bapher bapher ha kane ka skul, bad kiwei kiwei ki jingmyntoi.
Ia kane ka skhim kaba hap hapoh ka ministry of Tribal Affairs ba ka thong ka jong ka hi kadei ban ai jingmyntoi khamtam iaki riewlum ym iaki bym dei riewlum, hynrei kaba sngewsih pat ka long ba ha kane ka jingleit jurip ka jong ki kila shem ba dap lut sa tang ki bar jylla la ong u bah Wanshwa Suting.
Ka seng hadien kane ka jingshem Jong ka ba kiba trei ha kane ka EMRS skul kidei ki bym biang satia ki kot ki sla kiba donkam bad kiba shu trei beaiñ hapoh ka jylla, ka seng kala pynsangeh mardor ia kane ka jingtrei baroh khamtam kito kiba trei da ki bym dei riewlum, bad pyllait pat tang ia kito ki jingtrei ba trei da ki trai jylla. Ka seng kala kren shai sha kum kine ki company ba kim dei ban wanrah briew nabar katba ki trai ri ki dang lah ban trei ia ka kam.
