Shillong, Nailur 27: Ki phra ngut ki MLA jong ka UDP kiba la leit ban pyniasoh bad ka BJP yn sa shong bishar u Lamphang ka iing dorbar thawain ka jylla u Thomas A Sangma yn da wan phai na ka jngleit jong sha South Africa ban ia shim bynta ha ka jingialang.
Katkum ki thymmei khubor kiba la ioh la iathuh ba u Lamphang ka iing dorbar un wan phang ha ka 5/Risaw/2026 bad ynda la wan phai yn sa shim ia ka rai ha kaba ia dei bad kane ka jingphet seng jong ki phra ngut ki MLA jong ka party UDP.
Haba peit na ki jingiaphet seng ha ki por kiba la leit noh da ki MLA ban pynthikna ia ka jingphet seng ki phah shuwa ia ka shithi sha ka ophis jong u Lamphang ka iing dorbar ka jylla bad ki sa leit ban pyniasoh bad ka party kaba ki kwah.
Ha kane ka kynti kaba mytna ki MLA jong ka UDP ki rung shuwa sha ka party BJP ha ka 23/Nailur/2026 ha Delhi bad ia ka shithi ki sa phah sha ka ophis jong u Lamphang ha ka 25/Nailur/2026.
