Shillong, Nailur 27: Mynta ka sngi ka seng Khasi Student’s Union bad ka Hyniewtrep Youth Council kila leit ban khang ia ki Bank kiba plie ha kane ka sngi ha baroh 7 tylli ki District kiba don ha Khasi bad Jaintia Hills kaba dei ka sngi u Blei.
Ha kane ka sngi na ka liang jong ki nongtrei bank namar ka jingbthah ka sorkar peng kila leit ban plie ia ki bank ha ki jaka treikam bapher bapher kumba juh long ka por plie bank, hynrei tang shiphang ba ki la plie ki dkhot ka seng KSU bad HYC kila leit ban khang ha kaba ki nongtrei bank kila hap ban khang ia ki bank mynta ka sngi.
Ka sorkar pdeng kala phah plie ia ki bank mynta ka sngi u blei ka dei namar ba ka seng ki nongtrei bank, ka United Forum of Bank Unions (UFBU) kala khot ia ka jingsngeh trei kam jong ki bank ha baroh kawei ka Ri India, ha ka 28, 29 bad 30/Nailur/2026 ban pyrshah ia ka jingthmu ka sorkar pdeng ban pynkylla noh ia ki bank kiba dei jong ka sorkar sha ki Bank jong ki riew shimet.
Na ka bynta ka jingdon kam ki paidbah ka sorkar pdeng kala pynmih ia ka jingpynbna ba baroh ki bank ha ka Ri India kin plie wat ha ka 27/Nailur/2026 mynta ka sngi wat la ka dei ka sngi u blei na ka bynta ki paibah kin lah ban pyndep ia ki kam ki jong ki kiba ia dei bad ki bank.
Haba phai sha Meghalaya khamtam ha khasi hills, ka Jantia Student’s Union kala pynpaw ia ka jingpyrshah jong ka da kaba ong ba ki Bank kim dei ban plie ha kane ka sngi namar ha kane ka jylla bun ki khristan, katba ka HYC bad ka KSU kila leit ban khang ia ki Bnak kiba plie mynta ka sngi.
