Shillong, Nailur 27: Mynta ka sngi ha ka por kumba 10.30 baje ei ei kawei ka iing kaba don ha Umsohsun kaba don bun tylli ki dukan kala kem ding kynsah bad ha kane ka jingpluh ding bun ki tylli ki dukan kiba don ha kane ka iing kila julor.
Ha kane ka jingpluh ding la antad ba ka jingduh ba naroh ki dukan kan poi da ki phew lak tyngka, ia ka jingkhien kaba bniah ki pulit punlitp ding kin da shim jingkhein ha din ba kila lah ban tem ia ka jingklang ka ding.
Ki pulit pynlip ding kiba don ha Lum Survey mar iohi ia ka jingmih tdem kila beh bran bran sha kane ka dukan ka bym da jngai na jaka ba buh ia ki kali pynlip ding, namar ka dei ka iing ding kaba la rim ka jingklang ka ding kala pur sted bha.
Ban iarap ban tem ia kane ka ding la wan ruh da ki kali pynlip ding kiba na Fire Bridge bad da ka jingkloi la lah ban tem ia ka ding bad ha kane ka jingjia kat haduh ba thoh ia kane ka khubor kam shym don kano kano ka jingjia kaba sngewsih.
Ha kane ka iing ka don ka Restaurant kabala rim bha, ki dukan jain, ki dukan tiar ba bun jaid bad ha kane ka iing sha dien jong ka don ruh kiba sah briew, haba ia dei bad kane ka jingjia ki pulit kila pynlong ia ka jingtohkit ban lap ia ka daw jong ka jingpluh.
