Shillong, Risaw 07: Mynta ka sngi 7/Risaw/2026 ha ka jingialang ka kabinet kala shim ia ka rai ban pynjlan biang ia ka por treikam jong Garo Hills Autonomous District Council sa hynriew bnai.
U Myntri ba dei peit ia ka tnad ka koit ka khiah u bah Wailadmiki Shylla haba kren ha ki lat pathai khubor u la ong ba ka cabinet kaba la long mynta ka sngi kala shim ia ka rai ban pynjlan biang ia ka por treikam ka GHADC sa hynriew bnai.
U myntri u la ong ba baroh ia tip ia kaei kaba la jia ha Garo Hills ha kaba ym shym la lah ban pynlong ia ka elektion ha kaba la hap ban pynjlan sa hynriew bnai bad kane kan kut ha ka 17/Risaw/2026 shuwa ba kan kut ka sorkar ka hap ban shim ia ka rai ban pynjlan biang ia ka por treikam.
Baroh ia tip ba ka SIR ka dang iaid bad ka don ruh ka rule ba ka sorkar ka lah ban pynjlan ia ka por treikam jong ka District Council haduh shisnem, ka jingpynkhreh ia ki nongthep vote ka dang iaid dei na kane ka daw ba ka kabinet ka hap ban shim ia kane ka rai.
U myntri u la ong ba ha kine ki hynriew bnai kiba ka sorkar kala pynjlan ki lah ban pynbit pynbiang na ka bynta ban pynlong ia ka elekshon sha ka iing dorbar jong ka GHADC hapoh kine ki 6 bnai
