New Delhi, Risaw 10: Ka tnad tohkit ka sorkar pdeng ka Central Bureau of Investigation (CBI) kala ioh ban kem ia ki briew kiba thok ban pynrungkam ha ki bank na ki saw tylli ki jylla ka Delhi, Bihar, Haryana bad West Bengal.
Ka CBI kala ioh ban kem saw ngut ki briew kiba don kti ha kane ka jingleh thok ia ki paidbah ban pynrung kam ha ki bank, ia ka ejahar la ujor da ka institute of Banking Personnel Selection (IBPS) ba kin don ki briew kiba leh thok ban khot pynrung kam ha ki bank.
Halor kane ejahar ka kynhun kaba kyrpang jong ka CBI na Mumbai kala pynlong ia ka jingtohkit da kaba ia treilang bad shibun ki jylla ha kaba la ioh ban kem saw ngut kiba la ioh ban kem ia kine ki briew kiba la pynthoh eksam ia kiwei ruh da kaba leh mynleh kum ki samla wad kam. Kane ka jingleh kala ktah ia ki samla kiba trei shitom ban ioh kam.
