Shillong, Risaw 09: U Dr. Álvaro Lario, u President ka International Fund for Agricultural Development (IFAD), u la pynlong iaka sien jam kaba khraw ba un phah iaka shithi phai shabar ri jong ka Meghalaya da kaba phah noh iaka mar die kaba thymmai kaba long ka ‘Megha-1 turmeric’ kaba leit sha Singapore.
Kane ka jingialang, la pynlong ha Eastern Ri-Bhoi Organic Farmer Producer Company Ltd. Prime Hub kaba don ha Bhoirymbong, ha Ri-Bhoi District.
Ia katei ka jingphah, la pynmih bad shalan da ka kompany ERBOFPC sha ka kompany ba dei kaba shalan iaki mar hapoh jylla, kaba na Singapore, ka Veg Pro PTE Ltd, kaba dei ba pyntreikam hapoh ka thup kyrteng ba kongsan jong ka sorkar jylla, kaba long ka ‘Meghalaya Collectives.
Katba iaka jingpyn beit pynbiang iaka jingkhaii ka pyni iaka thong da ka sorkar jylla ban pynkylla iaka rukom rep rukom riang ki nongrep kiba rit baria ha Meghalaya, na ka rukom rep kaba satang ibit bam ha iing sha ka rukom rep kaba ioh ban khaii bad ban shalan iew shabar.
Lyngba ka Meghalaya Livelihoods bad Access to Markets Project (Megha-LAMP), kaba la pynmih da ka Meghalaya Basin Management Agency (MBMA) ha ka jingiatreilang shi paralok bad ka IFAD, ki kynhun bapher bapher jong ka seng ki nongrep na jylla lane ki farmer producer organizations (FPO), kiba la pynbiang bad ki kor ki bor pynbit kiba shna katkum ki juk kiba mynta, ki rukom khmih bniah iaka jingbha jong ki mar bad ki jingiasoh ba beit bad ki nongthied bniah.
Haba kren ha katei ka prokram, ki heh nongtrei kila ban jur ba ka jinglah jong ka jingkhaii ia u shynrai ba kongsan, u Megha-1 ka pynpaw iaka jingbha kordor tam ki mar rep tynrai ka jylla Meghalaya bad ka jingshemphang bad jingbit ha ka rukom treikam ki kynhun treilang ha ki shnong ki thaw.
Ia kane, la kyrshan da ka tyngka kaba long US$ 3.12 million kum ka jingiarap bad ryngkat ki kor ki bor kiba kyrpang na ka bynta ka jingpynrkhiang, ka jingpynlwet bad ka rukom song kaba khuid ha Bhoirymbong PRIME Hub, ka ERBOFPC kala pynbiang iaki mar kiba la bit la biang wat ha ki rynsan iew khaii bapher bapher ha pyrthei.
Iaka ‘Meghalaya Collectives’ kaba la wanrah da ka sorkar Meghalaya, ka long kum ka rynsan kaba pynbiang bad pynbit iaki kam khaïi kaba weng noh iaki dkhot pdeng, khnang ba ki nongrep kin ioh kham bun ka jingbit jingbiang bad ka jingioh nong kaba kham heh bad ban seng iaki jingïadei khaïi kiba neh slem baroh kawei ka thain bad ha ki iew bad ki ri nongwei.
Kane ka jingpyn ïaid iew ia shynrai ka pyni jngai ban buh iaka jylla Meghalaya kum kata ka jaka ba bun ki mar tynrai, da kaba pyni shai ba ki kynhun nongrep ba dei trai da ka shnong ka thaw ki lah ban ialehkai pyrshah ne iakhun hapoh ka rynsan bad ka iew bah ka pyrthei.
