Shillong, Risaw 19: Lai ngut ki MLA ka United Democratic Party (UDP), u bah Paul Lyngdoh, bah Renikton Lyngdoh Tongkhar bad u bah Nujorki Sungoh kila ai da ka jingthoh sha u Lamphang jong ka iing dorbar thawain ka jylla Meghalaya, u Thomas A. Sangma, ba ki la pyniasoh bad ka National People’s Party (NPP).
Ia katei ka jngthoh la dep ban ai sha u Lamphang ha ka sngi nyngkong, lem bad ka jingioh jingmut na ki nongthaw ain bad kin pynbeit pynbiang na ka bynta ba kin leit iasoh bad ka party NPP. Hynrei une u Lamphang u la ong ba un sa peit bha iaki kot ki sla bad ban wad ne pan iaka jingai jingmut na ka liang ka ain bad kaba pynmih iaka rai ne ruling katkum ki kyndon ba la buh.
Haba kren ha ki lad pathai khubor hadien ba la ioh ia katei ka aplikeshon, u Thomas A. Sangma u la pynbna ba u la dep pdiang iaka shithi pyniasoh lem bad ki rai ba la shim da ki lai ngut ki MLA ka United Democratic Party (UDP). U la pynshai ba ka jingithuh jong kane ka jingpyn iasoh kan nym dei tang kaba shu pyndep rukom, watla ka dorbar thawain kala tip iaka jingpyn iasoh jong ki 8 ngut ki MLA ka party UDP bad ka Bharatiya Janata Party (BJP).
U Lamphang u la ong ba watla katei ka jingiasoh ka i kumba kala pynhun iaka jingdawa ba nyngkong kaba long ar bynta lai na ka jingbun ki dkhot, pynban kane ka kam ka donkam iaka jingbishar bniah kiba iadei bad ka ain bad ki rukom treikam (kiba donkam ban khmih bniah.
u Sangma u la pynpaw ba u donkam ban da pynskhem lada kine ki MLA ki iasoh bad ka NPP halor ka mon sngewbha jong ki hi khlem da don ba pynbor. Ha kaba iadei bad kane, ar ngut na kine ki MLA kila dep ban iakynduh ia u Speaker, katba uba uwei pat u Nujorki Sungoh u dang don shabar ka jylla na ka bynta ban shah sumar.
U Sangma u la dep peit bha ba ka jingphah iaka aplikeshon pyniasoh ba khatduh dei kaba san kaba u la pdiang ha ka por ba u don ha ophis.
Ha ka jingpyn iasoh sa kine ki lai ngut ki nongthaw ain bad ka party NPP, kumta ka jingkhlain jong ka party ha ka dorbar thawain kala poi sha ka 36 ngut, katkum ka jingpdiang bad jingshon thikna da u Lamphang halor ka jingiasoh.
Iaka aplikeshon pyniasoh mynta la shim da u Lamphang, ha kaba uba lah ban rai lane uba don ka bor ban pynksan ne pynkylla long kaba mana katkum ki kyndon ka riti synshar bad ki rukom treikam.
