Shillong, Rymphang 24: Na ka daw jong ka jingjah jong ki ar tylli ki shnong na ka electoral roll kumba la ioh ia ka kaiphot na u Returning Officer jong ka 24-Pariong-Mawthadraishan District Council Constituency ha ka 22 tarik mynta u bnai ba ki ar tylli ki shnong, ka Phyllut bad Mawkhan Wahkhwang kiba hap hapoh jong ka 40-Marngor Polling Station hapoh jong ka 24-Pariong-Mawthadraishan District Council Constituency la ong ba kim don ha ka electoral roll.
Na ka liang jong ka DCA ka la pynbeit ba ia ka jingthep vote ha katei ka polling station kan long noh ha ka 26 tarik mynta u bnai. Kane ka long ban ailad ia ki paidbah jong kitei ki ar tylli ki shnong ba kin jied ia u nongmih khmat jong ki.
La bthah ia u R O ban khot noh ia ki polling officer kiba la phah sha katei ka jaka . Ha ka juh ka por la btah ia u RO ba un pynbeit ia ki kyrteng jong ki nongthep vote bad ia ka list kaba pura dei ban pynmih noh ha ka 23 tarik mynta u bnai bad ia ka jingujor lane ban pynrungkyrteng kan long ha ka 25 tarik haduh ka por 3 baje noh phai sngi. Ka jingthep vote kan long ha ka 26 tarik kan sdang ha ka por 7 baje mynstep bad kan kut ha ka por 4 baje jan miet.(SP
