Ioh pynlait ki pulit ka RPF jong ka NEF 8 ngut ki khynnah na kti ki riew sniew

Maligaon, Niawieng 22: Ka kynhun pulit jong ka Railway Protection Force  kiba dei jong ka Northeast Frontier Railway kaba ki dang peitngor ia ka jingshiang jong ki nongleit nongwan ha ka 16 bad 18 Tarik mynta u bnai kila ioh ban pynlait phra ngut ki khynnah na kti ki riew sniew kynhup wei u khynnah shynrang bad 7 ngut ki kynthei.

Ia kine ki khynnah la ioh ban pynlait na lai tylli ki Railway Station na Katihar, New Jalpaiguri bad Guwahati, ia kitei baroh phra ngut la ioh ban pynlait na la ka jong ka jong ka Railway Station baroh ki dei ha Assam.

Ha kane ka jingpeitngor  ki pulit RPF kila ioh ban kurup ruh ki mar khaii beain kaba la kit sha ka T.54 lak tyngka, kine ki mar khaii beain la ioh ban kurup na Agartala, Lumding, New Jalpaiguri, Dimapur, Kamakhya bad Katihar railway stations, ha kane ka jingkhynra la ioh ban kem ar ngut ki briew.

Katba ia ki khynnah kiba la ioh ban pynlait la aiti sha ki agency kiba peit ia ki khynnah ban pynthikna ia ka jingshngian ka jong ki. Na ka liang jong ki pulit ka RPF ki long kiba kut jingmut ban ia khun pyrshah ia ki nongleh kam sniew bad ban ai ka jingshngain ia kiba leit ban wan da ka Rel.

 

What Next?

Recent Articles

Leave a Reply

Submit Comment

*