Ka pynkhreh ia ka National Games 2027 la khot ia ka jingialang ia ki kynhun treikam

Shillong, Naiwieng, 22: Ka jylla Meghalaya kala pynkhreh ban pyniaid ha ka jingialang jong ka Green Games kaba la pyniaid da u Commissioner & Secretary, u Dr. Vijay Kumar D. bad kane ka jingialang ka dei ka sien ba nyngkong jong ka Functional Areas na ka bynta ka 39th National Games Meghalaya 2027 bad la pynlong ia kane mynta ka sngi ha State Secretariat, Shillong.

Ha kane ka jingialang, kaba la pyniaid da u Dr. Vijay Kumar D., IAS, Commissioner & Secretary, Sports and Youth Affairs, bad u dei ruh u Chief Executive Officer, National Games Secretariat Society (NGS). La don lang ruh ka kong Isawanda Laloo, IAS, Secretary, Sports and Youth Affairs bad u Additional Chief Executive Officer, NGS; u bah Alertson Nongbri, u MCS, Director, Directorate of Sports and Youth Affairs; u bah Paia B. War Nongbri, Deputy Director, Directorate of Sports and Youth Affairs; u bah John F Kharshiing, Working President, Meghalaya State Olympic Association (MSOA), bad Joint Chief Executive Officer, National Games Secretariat Society (NGS); bad ka kong Matsiewdor War Nongbri, IAS (Retd.), Vice President, MSOA bad kiwei kiwei ki heh nongtrei jong ka sorkar Meghalaya.

Ha kane ka jingialang, la don lang ki DC jong ka nongbah Shillong, Tura bad Jowai kiba la iasoh lang da ka jingialang online. Katba la don lang ki dkhot jong ka 20 Functional Areas bad ka Sub-City Committees na ka bynta ka Jowai bad Tura, kila wan na ki tnad bapher bapher jong ka sorkar Meghalaya.

Kane ka jingialang ba nyngkong jong ki 20 tylli ki Functional Areas kala pynskhem ba ka jylla Meghalaya kala long kaba la kloi ban pynlong iaka 39th National Games ha u snem 2027, da kaba buh iaka jingpynneh pynsah iaka mariang hakhmat eh.

Ha kane ka jingialang kaba la long ha ka sngi Thohdieng, 21/Naiwieng/2026 ha State Secretariat, Shillong, la bishar bniah iaka jingtreikam jong ki tnad bapher bapher ban pynbit pynbiang ia kane ka lympung ialehkai bakhraw jong ka ri.

What Next?

Recent Articles

Leave a Reply

Submit Comment

*