Shillong, Jymmang 27:Kum shibynta ban kynmaw burom ia ka lyngkhuh sngi iap ba 179 jong U Tirot Sing Syiem, ka Khasi Students Union (KSU) Mawlai Umjaiur Unit kan pynlong biang da ka lympung ialehkai phutbol kaba la tip kum ka 8th Under-16 U Tirot Sing Syiem Football Open to All (knockout) Tournament 2014.
Ia kane ka lympung yn sdang naduh ka 17 tarik Naitung ha madan ialehkai Student Field Jaiaw, Shillong namar ba ia ka Mini Stadium Mawlai Madan Heh kaba la ju pynlong ki dang maramot mynta.
Na ka liang ka KSU lyngba ka Tournament committe ka khot bad iawer ia ki shnong/ Club jong ka Bri u Hynniewtrep ba wan ban iashim bynta ha kane ka lympung.
Ia ki phom lah ban ioh na ka dukan Werson Electrical Mawlai Phudmuri, Stand Bus. Kane ka long katkum ka kyrwoh ba ka la pyllait da u samla Donborlang Nongsiej, Organising Secretary KSU Mawlai Umjaiur Unit.(SP News)
