Shillong, Naiwieng 01: Ka bor mynta ka shong ha u myntri rangbah ka jylla u Conrad K Sangma la un pdiang em ia ka shithi iehnoh kam u myntri ka tnad kam bor ding bad kiwei kiwei u bah Metbah Lyngdoh ba dei ruh president ka party United Democratic Party.
Ha ka miet sngi Saitjain ba u bah Metbah u pynbna ia ka rai ban hiar noh na ka shuki myntri kabinet u myntri rangbah ka jylla u don sha nongbah Delhi bad ka rai baroh mynta ka shnong ha u myntri rangbah la un pdiang ne em ia kane ka jinghiar shuki u bah Metbah.
Ka jinghiar shuki u bah Metbah ka dei namar ba 11 ngut ki MLA jong ka party kila phet noh ha kaba 8 ngut kila leit pyniasoh bad ka BJP bad lai ngit kila leit ban pyniasoh bad ka NPP kaba ialam ia ka sorkar MDA-II ha kaba ka UDP ka don lang.
Katba thoh ia kane ka khubor mynta ka sngi u myntri rangbah ka jylla ym pat ai kano kano ka rai namar bay m pat ioh ia ka jingthoh namar ha ka sngi Saitjain u myntri rangbah um don ha ka jylla.
Katkum ka riti shynshar ka long ba uno uno u myntri kwah ban hiar shuki ia ka shithi resign u hap ban ai sha u myntri rangbah ka jylla bad lada u myntri rangbah ka jylla u pdiang ia ka jingiehnoh kam un phah ia ka shithi iehnoh bad ia ka jingai jingmynjur sha u Lat ka jylla ban pdiang ia ka jingienoh kam jong u myntri.
