New Delhi Lber 26: Ka iing bisahr ba don nurom jong ka Delhi High Court mynta ka sngi ka la bthah ia ka sorkar India b aka dei ban ai shuti ia ki nongtrei jong ka tnad pla pisa jong ka sorkar India ha ka sngi thohdieng bakhuid bad ha ka sngi paskha namar kine ki ar sngi ki long ki sngi kiba kongsan ha ka jinglong khristan namar ka dei ka jingshah iap bad ka jingmih pat jong u trai jisu.
Kane ka hukum ka long halor ka jingmudui jong u secretary general jong ka All India Christian Council u Dr John Dayal da kaba ai pyrshah ia ka jingpynbna jong ka sorkar jong ka Central Board of Excise and Customs jong ka revenue jong ka tnad pla pisa kaba la hukum ia baroh ki nongtrei ba ki dei ban wan trei na ka daw jong ka financial year kaban kut ha ka 31 tarik mynta u bnai.
Ki muktiar kiba la ia sait na ka bynta jong u nongmudui ia kane ka Public Inters litigation ki long u Robin Ratnakar David, Pramod Singh, Tehmina Ram Arora, Febin Mathew Verghese, Vivek Oriel, bad Esha Shekhar.
U Noingbishar Justice Pradeep Nandrajog, u la ai ia ka interim order bad la buh ba yn sa bishar biang ia kane ka kam ha ka 2 tarik jong u bnai Iaiong.
Na ka liang jong ki muktiar jong u nongai mudui ki la ong ba kane ka hukum jong ka sorkar pdeng ka long pyrshah ia ka hok jong ki rit paid kaba la buh hapoh jong ka Riti synsahr jong ka Ri India bad jong ka United Nation Declaration ia kaba ka India ruh ka dei kawei na ki ri kaba la soi ia kane ka jingiamynjur lang.
Naka liang jong u Jusitice Nandrajog u la ong ba ha India ki don kumba 2.3 percent , kumta ka dei ban don ka jingpyniahp tarajur hapdeng ka jingngeit bad ka ka jingdon kam kyrkieh jong ka kam. (SP News)
