Guwahati Iaiong 29: U myntri rangbah ka jylla Assam ,u Tarun Gogogi , u la iathuh ha ki nongthoh khubor mynta ka sngi ba ka khynhun tohkit jong ka CBI kin poi ha Assam la shai ka sngi ban tohkit ia ka jinglum pisa jong ki company na ki paidbah ia kaba la tip kum ka “Chit Found”.
Na ka liang jong u myntri rangbah ka jylla Assam u la kren shai kdar ba ka sorkar kan nym siew dalei lei ia ka pisa kaba la klun da ki kompnei ha kaba ki paidbah ki la thep pisa, U la ong ba ka sorkar kan nym map iano iano ruh la ki dei ki minister ne ki heh sorkar.
Ki company kiba ka sorkar ka la ioh kyrteng ki long ka, Sardha Group, Rosevalley, Unipay 2U, Jeevan Suraksha,Alliance, Deffodil,Abis, Basil bad ka Prayag . Ia mynta dei tang kine ki company kiba ka sorkar ka la dep register da ka jingujor hapoh ki kyndon ki kam thok kam shukor.
Kumba ka long mynta na ka liang jong ka sorkar ka shem jingeh ban ong haduh katno namar kane ka dei sha bar jong ka sorkar. Ha dien ba ki nongthoh khubor ki la ong aiu ka sorkar kan leh ia ki ar ngut ki briew kiba la paw kyrteng ha ka shithi kaba la phah da u CEO jong ka Sardha Group sha ka CBI.
Kine ki kyrteng ki long u Dr. Himanta Biswa Sharma ba dei u myntri ka tnad ka koit ka khiah bad ka pule puthi jong ka jylla Assam, u DGP ba rim , Sankar Baruah. Na ka liang jong u myntri rangbah ka Assam u la ong ba ka kynhun tohkit jong ka CBI kan poi la shai ka sngi sha Guwahahti bad kin sa leh ia kaba don kam.(SP News)
