Shillong, Naitung 11: U nongialam ka liang pyrshah u Dr Mukul Sangma u la dawa na ka sorkar ba dei ban phah tohkit halor ka jingshallan tuh ia ki masi sha Bangladesh. Dei na ka jingkhaii beain ia ki masi ba kasa poi ka jingkhang die doh masi ha Shillong.
Haba kren ha ki lad pathai khubor ha dien bala kut ka jingialang jong ka CLP, u la ong ba kane ka sorkar kam iohi ia kane ka jingeh kaba ki paidbah ki ia kynduh namar kam don ka jingotdoh ha iew khamtam ha Shillong, ka party Congress ka dawa na ka sorkar ba dei bah phah tohkit ha kaba ia dei bad kane ban lap sha ei ka masi ka iaid haba ki hap ban iaid lyngba ka jylla Meghalaya.
Na ka liang jong ka sorkar ka dei ban thung ia ka kynhun tohkti ha kaba ia dei bad kane ka jingkhaii beain ia ki masi bad kala don ka jingiakren bal eh se ki don ki briew kiba don bor kiba don kti ha kane ka kam khaii beain ai ki masi, ha ka jingshisha ka sorkar kala dei ban wad jingtip balei khang ka jingdie doh masi.
Ban shu pynkynmaw ba ka KJBWA kala khang die doh masi ha kane ka Ri Khasi ha duh shibnai lynter ban pynpaw ba kim lah shuh ban thied masi na ka daw ba la kiew dor palat namar la jyllei ka jingkhaii beain sha Bangladesh.
