Shillong, Jymmang 23: Ka Chandra Mohan Jha Foundation kaba pyniaid ia ka CMJ University ha kane kajylla ka la thoh da ka shithi sha u myntri rangbah ka jylla u Dr Mukul Sangma kaba ong ba ka University ka pyniaid ia ka katkum ki kyndon jong ka UGC, ki jinglapjong u lat kajylla ia ki jing bakla ka long kaba yn lah ban sngewthuh.
Haba pynshai halor ka nongrim ba ka university ka ieng u SP Sharma u ba long u nongai buid ha kaba ia dei bad ba ki kam ain na ka bynta kane ka University u la ong ba ka jingkynrum kynram kaba la mih ha kine ki sngi na ka jingleh jong u Lat ka jylla u ba dei u Visitor jong ka University u la kynnoh ka la wanrah ia ka jingthud ha ka jingtreikam jong ka.
U Sharma u la ong ba katkum ka kyndon kaba 13 jong ka University Act, u Visitor (Governor) u long kum u nongai buid bad nong ai jingmud na ka bynta ban pyniaid ia ka University kaba man ki sngi.
Haba ia dei bad ka jingpynmih ia ka hukum ban kem halor ka jingujor jong u Lat ka jylla pyrshah ia ka University , u la ong ba ka sorkar kam lah ban pynmih ia ki jingkynoh kiba la khlem nongrim banong ba u Chansellor u la phetrih. U Chansellor u don ha shnong jong u ha Bihar u la ong ban leit peit ia u kpa jong u ba pang u ba don ha ICU. U Sharma u la ong bay n sa wan ha dien ba la kham jem na ka jingpang u kpa.
Naka liang jong ka Foundation ka la thoh da ka shithi sha u myntri rangbah ka jylla ban ong ia u ba u dei ban tuklar ia kane ka kam, kaba long kum ka jingbeh thong ia ki briew ki ba trei ha ka liang ban kyntiew ia ka pule puthi.
Ka jingujor jong u lat ka jylla pyrshah ia ka CMJ ka long ba ka la don ka jingkynnoh ba ka la don ka jingai degree thok sha ki samla pule dei halor kane ba la ai ia ka hukum ban kem ia u chancellor kane ka University u CM Jha bad la krem ruh ia ki nongtrei kane ka University.(SP News)
