Shillong, Kyllalyngkot 06: Mynta ka sngi u Bah Spiton Kharakor u la pynlait paidbah ia ka Alamak Khasi kaba nyngkong ia kaba la pynmih da ka Sunjuk ki Rangbah Kur ka Bei U Hynniewtrep (SRKBH) ha ka jingialang kaba la long ha Dalariti Visual Art Umsohsun Shillong kaba don khatlai bnai.
Ha ka jingkren jong u Bah Spiton, u la ong ba ki khasi haba ki khien bnai ki khien na u bnai ba mih ha suin bneng, la ong ba ka jingkhein bnai ki khasi ka ia ryngkat jong ki Gujarati. Ha kane ka jingialang la pynpaw ruh ia ka jingsngewnguh ia u Bah Herman Nongrum president ka SRKBH.
U Bah Spiton u la ong kiwei kiwei ki jaidbynriew ki don ia la ka jong ka Almanak kum ki Assames, Nepali bad kiwei kiwei dei, kum ka jaidbynriew kala iaid sha khmat bad u kyntu ban dang iai pynbha shuh shuh ia kane.
Ha kane ka sngi u Bah Spiton u la kyntu ruh ia ka SRKBH ban wad jingtip ia ka shnong kaba nyngkong kaba don ha kine ki lum khasi bad katkum ka jingpule jong u na ka kot kaba la thoh da u Prof Marko Mekri la thoh ba ha kata ka long Lawlongthloh hapoh ka raid Mawbuh ka don ka shnogn ba nyngkong tam ha ka Bri u Hynniewtrep ka Nongthloh bad mynta ki khot ka Lawnongthroh.
La ong ba ha kata ka kot la thoh ba ki don hynniew tylli ki Mawkpep lane ki Mawbah, la ong ba u la leit da la de sha katei ka jaka hynrei ym shym la lah ban poi sha baroh ki Mawkpep u la lahb an poi tang lai tylli. Kane ka lah ban long ba u Khasi u don Hynniew kur bad ki sa sakma.
