Tura, Naiwieng 16: U wei na ki nongialam jong ka seng ANVC lehnoh kaba don mynta hapdeng ka jingiakren ia suk bad ka sorkar u Malja A Sangma u ba dei u political secretary jong ka seng u la ong ba kum seng kam shym la kyrshan iano iano ruh, ka jingleh jong u as Ensal Ch Marak ka dei ka jingiarap jong u shimet.
Haba ia dei bad ka jinglap ia u bom ba la buh rieh ha khyndew da ka jingthmu ban pynbethei ha ka por ba u myntri ka sorkar jylla un iaid ka dei ka kam jong u tei u dkhot marwei bad no re kum ka seng kam don bynta ei ei .
Na ka liang ki pulit ki la ioh ban kem ia u tei u dkhot jong ka kynhun A’chik National Volunteers’ Council (ANVC) ha kaba ia dei bad ka jingbuh ia u bom ha surok Kherapara ban leit sha Chokpot. Halor ka jingkynnoh jong ki pulit ba ka ANVC ka don jingiadei bad ka kynhun GNLA kane ka jingkynnoh ka long ka bym don nongrim.
Ka jingleh jong u Ensal CH Marak ka lah ban dei tang ba ka dei ka kam jong u shimet ha kaba kum ka seng kam sngewtnynad. La ong u political secretary haba kren ha u nongai khubor ka SP News Agency. U tei u nongialam u la ong ba ai ka ain kan leh ia kaba don kam (SP News)
