Shillong, Naitung 13: U Bah Kronding Nongbsap nongaiktien jong ka seng Hynniewtrep People Front (HPF) u kyntu ia ka sorkar Meghalaya ba kadei ban buh iaka kynhun tohkit ka bym shah liang ia baroh ki ba don bynta leit ing iathoh sha Assam, namar ka pyn artatien ia u paid bah ka jylla kat kum ka jingpaw ba san tylli ki kali la shim pass naka bynta ka jingdonkam jongki kaba kham lyngngoh shuh shuh ka long ba san tylli ki kali kumno kan ngiam haduh 41 tam ngut ki briew.
Ka HPF ka dawa ba dei ban pynpaw paid bah ba katno ngut ki shong ha kawei ka kali, lada ki rah bun kali dei ban tip ia ki kali baki shong,dei ruh ban leh kumba leh lem iaki kali Paid bah kiba pynkhein Ain, ka seng ka kwah ka ain kan iaryngkat kyrdan ia baroh ym ban shah liang ia u ba duk bad ba riew spah.
Ka HPF seng ka sngewkhia jur bha halor ka ne ka bynta namar lyngba ka jingleh jong ki ka buh mynta iaka jingtieng u paid bah bad kiew ruh kiba ioh ia ka khlam COVID-19 bad ka buh jingeh ia u duk u rangli ba juim jakpoh daka ba kamai mynsngi bam da mied kane ka buh ruh ka jingeh iaki nongrep bapli namar mynta kadei ka pormih ki marrep jongki ka jingkhang dam ha shillong wat la ka long tang ar sngi ruh ka jingduh nong ka bakhraw ia u ba duk.
Ka seng ka ong ba ka sorkar kadei ban pynshitom iaki kat kum ka ain ba shongnia. ka seng haka juh ka por ka kyrpad ruh iaki ba don bynta haka tei ka jingiathoh shongkurim ba kin sngewbha ban iathuh hok katno ngut ki don na jylla ha katei ka sngi namar lyngba jong ki, ki paidbah ruh kin nymdon haka jingtieng lada don bun kiba leit ruh.
Kum ka seng ka kwah ban khang shnong habaroh ka jylla tangban lait ka jingpur shabaroh ki shnong lada phi len pat phin hap shim iaka jingkit khlieh. ka seng ka kyrpad ruh iaka sorkar ba kan khang shuwa shipor iaka rung ka mih ki briew shabar jylla katba ka jinglong jingman kam pat ishngain ha jylla bad kumjuh bad ki jylla ba marjan.
