Ka jingpynrung kam shipai ha Shillong kan sdang ha ka 20 haduh 28 mynta ubnai

Shillong Naitung 09: U Office jong ka  Director Recruiting (Army), Shillong u la pynbna paidbah ba kan don ka jingpynrung kam shipai ia ki paidbah jong ka jylla Meghalaya  bad lai tylli ki District jong ka jylla Assam, kum ka Morigaon, Nagaon bad Sonitpur haki kam  Soldier General Duty, Soldier Tradesman, Soldier Technical, Soldier Clerks/Store Keeper Technical bad Soldier Nursing Assistant.

Ia kane ka jingpynrung kam yn sa pynlong ha  Jawahar Lal Nehru Stadium, Shillong naduh ka  20^th haduh la 28^th mynta u bnai. Kiba kwah ban rung ha kane ka kam shipai ki lah ban poi ha katei ka jaka naduh ka por san baje mynstep ha ka madan kaba 5.

Na ka bynta ka kam  Soldier General Duty  bad Soldier Tradesman na ka bynta ka  East Khasi Hills, West Khasi Hills, South West Khasi Hills & Ri-Bhoi yn pynlong ha ka 20^{th mynta u bnai. katba na ka bynta ka}  West Jaintia Hills,  East Jaintia Hills, East Garo Hills, West Garo Hills, North Garo Hills, South Garo Hills bad South West Garo Hills yn pynlong ha ka 21 tarik ka sngi kaba bud. Na ka bynta ka  Sonitpur bad Morigaon District yn pynlong ha ka  22^nd katba ia ka  Nagaon District yn pynlong ha ka 23 tarik mynta u bnai.

Na ka bynta ka kam  Soldier Technical, Soldier Clerks/Store Keeper Technical bad Soldier Nursing Assistant na ka bynta ka dang sha tei lam mih ngi jong ka Ri India yn pynlong ha ka 24 tarik mynta u bnai. Na ka bynta ka  Aptitude test na ka bynta kito kiba la shah jied ha ka jingiamareh pat yn pynlong ha ka  25^th mynta u bnai hi.

Na ka bynta ka  Medical examination yn sdang naduh ka 21 tarik  haduh ka 26 tarik kat ia kiba dang dep. Ia ka written  test ia kito kiba la lah ban pyndep ia ki jingdon kam baroh pat yn pynlong ha ka 28 tarik hapoh jong ka  Army Public School, Shillong na ka bynta kito ki ba dei na ka jylla Meghalaya.

Ka kyrdan pule na ka bynta kito kiba lah ba ia shim bynta ha kane ka kam Soilder General Duty na ka bynta ki riewlum ki dei ban long kiba la pass ia ka Class VIII, na ka bynta kiba iakhunpat ia ka kam Soldier Clerk/Storekeeper Technical kiba dei ban long kiba la pass ia ka Class X. na ka bynta ka kam  Soldier Technical bad Soldier Nursing Assistant  kiba dei ban long kiba la pass ia ka kyrdan pule  10+2 ha ka  Science Stream.(SP News)