Shillong, Naitung 3: Mynta ka sngi u bah Michel Kharsyntiew mynta ka sngi u la sam da ki marbam sha ki 78 tylli ki paidbah nongshong shnong jong ka Jail Road, kine kiba ioh ia ki marbam ki long ki nongbylla sngi, kiba bylla dukan, kiba trei iing briew, kiba khap snniuh, kiba niah Taxi bad kiba die madan.
Ha ka jingkren lyngkot jong u bah Kharsyntiew u la ong ba kane ka jingiarap ka long ban ia kner lang ia ka jingiarap sha ki long iing kiba don ha ka jingduk jingkyrduh na kadaw jong kane ka khangdam ban iada ia ka jingpang khlam COVID-19.
Kumba ka long mynta bun na ki briew kim don ia ka kard ration, kane kala buh ia ki briew ha ka jingeh ha kum kane ka por kaba ki paidbah ki ia kynduh jingeh kane ka long ka jingiarap kaba rit sha kito ki long iing kiba duna ka jingioh.
Lah ban pynkynmaw ba ka liang jong u bah Michel u wei na ki riew shimet u la juh sam ia kine ki jigniarap sha ki long iing kiba duk ym tang ha katei ka jaka hynrei ha kylleng dong kiba u la dep ban sam ia ka jingiarap.
