Shillong, Niatung 29: Mynta ka sngi u President jong ka party HSPDP u bah KP Pangniang u la leit ban jngoh ia ka shnong Balakhawa kaba hap hapoh jong ka Ri Bhoi District ban ioh jingtip kaba shia ha kaba ia dei bad katei ka jaka ha ka jingiadon lang ki nongkit kam shnong bad ki nongpeit ia ka Hima Nongspung.
Haba kren ha ki Lat pathai khubor ha katei ka shnong Balakhawa u long ba kumba la ia tip ba ka sorkar Meghalaya bad ka sorkar Assam ki dang don ha ka jingiakren ban ia pynbeit ai u kam pud kam sam hapdeng kine ki ar tylli ki jylla.
“Na ka liang jong nga kaba nga hap ban kren sha ka sorkar nga kwah ban tip ia ka jinglong jingman ha ki jaka ha kane ka shnong, nga sngew tynnad shibun ban tip ha ha kane ka jaka, hooid mynshuwa ka don ka jingwan shna ia ki surok”. La ong u bah Pangniang.
Ha dien ba kila wat jingtip bha ba ki kam pynroi kiba ka Assam leh ha katei ka thain la sngewthuh shaikdar ba kane ka long tang na ka bynta ka roi ka par, hynrei ia ka jaka pat de ba ka Assam kam lah ban kam ban ong ba kane kan hap hapoh jong ka jylla Assam, kane kan long hi hapoh jong ka Hima Nongspung, kan long ka bynta jong ka jylla Meghalaya, kata ka dei kaba nga wan mynta ka sngi.
U Bah Pangniang President ka HSPDP u la ong ba kaei kaba ki paidbah ki ia kren ka long ba ka jaka kala skhem ba ka dei jong ka jylla Meghalaya, hynrei ki don ka jingsah nud bad ka jingsngewrit mynsiem ha kaba ia dei bad ki kam pynroi, kum ka surok, ka koit ka khiah kumba Sub-Centre ne ka PHC namar ka jngai bah ban poi sha Jirang ka pulit outpost ruh ka jngai bah ban peit ia ka shongsuk shongsain kane ka long kaba don kam eh ban don ia ka Police Outpost.
Na ka liang jong ka party HSPDP kan phah ia kine ki jingeh kaba ki paidbah ki ia kynduh sha ka sorkar ba ka dei ban peit bniah ia kane ka jaka, kata ka dei kaba don kam bad kaba kongsan ka long ka Bank namar kumba ka long mynta ka Bank ka jngai bah na kane ka jaka.
Kumba ka long baroh ki shnong ki ia trei bha ia ka MERGS ka long kaba don kam ba kan don ka shnat Bank ha kane ka jaka khamtam ha kane ka jaka rung jaka mih, la ong u President ka HSPDP u bah K P Pangniang.
