Shillong, Nailur 09: Ki paidbah kiba leit ban wan na Shillong sha Jowai mynta kila sdang ban mat biang ia ki jingeh ha kaba ia dei bad ka jingsah kut kali na ka daw jong ka jingsniew kane ka surok bah na Mawyngkneng sha duh Jowai bad kaba khma sniew eh dei ha shnong Ummulong.
Haba u SP News Agency u la poi sha katei ka thain la shem ba ka jingud jong ki nongniah kali ba kane ka surok Shillong Jowai kala sniew khamtam eh na ki bynta jong ka Mawryngkneng sha duh Jowai bad kaba kham sniew eh ka dei hapoh shnong Ummulong.
Na ka liang jong ki nongniah kali kila pynpaw ba ka sorkar kala khrong pisa na kane ka surok ha ka jingshisha kala dei ban pynbha ia kane ka surok bah kaba dei peit da ka NHAI bad kane ka jingsniew kam dei ba dang shem hynrei ka dei kaba la kham snlem.
Ha shilynter ka surok na Mawtungkeng sha duh Ummulong la don ka jingbuh ia ki mawria ha ki bynta ba ka surok ka sniew hynrei kam pat don pat kata ka jingmaramot ia kane ka surok kaba ki paidbah kila ud ia ka jingsniew kane ka surok bah MH-6.
