Shillong, Nailar 23: Mynta ka sngi u bah Lamphrang Blah MDC jong ka Mawphlang bad u Bah Kennedy C Khyriem kila leit ban ia kynduh ia u symbut myntri rangbah ka jylla u bah Prestone Tynsong ban ia kren halor ki jingkam kum ka jingpynkhreh na ka bynta ka jingialang kaba lai sngi jong ka Seng Khihlang ka seng khasi ban long ha u snem 2023 ha shnong Kyrphei.
U bah Kennedy C Khynriem haba kren ha ki lat pathai khubor ha dien ka jingiakynduh ia u bah prestone la ong ba kane ka jingiakynduh ka dei ka jigniakynduh kum ka kynhun seng khasi ka shnat Tyrsat ryngkat ka dorbar shnong kyrphei kila ia don lang mynta ka sngi.
Kane ka jingialang bah ba lai sngi ha ka jingshisha ka dei ban long ha u snem 2021 hynrei na ka daw jong ka COVID yn shym la lah bn pynlong bad la rai ban pynlong noh ha u bnai Iaiong 2023 ha ka 14, 15 16 tarik. Kane ka jingwan ia kynduh ia u symbut myntri rangbah ka long ban ia kren ia ki jingdon kam ki surok ba ka Lyngpung kan long kaba jop.
Ha kane ka jingiakynduh na ka liang jong u symbut myntri rangbah ka jylla la ong ba ia kane yn sa pyndep ha ka por kaba biang, kiwei ki jingiakren ka long halor ka jingsniew jong ka surok na Mawphlang sha Kyrphei kaba la sniew bha lada marmaot ha ka por kaba biang kan iarap ha ka leit ka wan.
