Shillong, Nailur 10: Ka seng Hynniewtrep Achick National Movement (HANM) jong ka West Khasi Hills kin pynbna la shai ka sngi ia ka jingikhih pyrshah ia ka sorkar namar ba kam shym la ai ia ka jingdawa ka jong ki ban wengnoh ia u Bah S Kharlyngdoh Deputy Commissioner jong ka West Khasi Hills District.
Haba kren ha ki nongthoh khubor ha dien ba ki la mih na secretariat u President jong kane ka seng u Bah Paul u la ong ba ki la wan mynta la ar sien ban ia kynduh ia u Chief Secretary hynrei la ong ba u don jingialam ym lah ban ia kynduh. Ka jingkwah ban ia kynduh ka long ban dawa na u ba dei ban weng noh ia u DC jong ka West Khasi Hills District.
Namar ka jingbym leh ei ei jong ka sorkar ban ai ia kaei kaba ki la dawa ha ka dorkhas kaba ki la dep ban phah sha ka sorkar ha u bnai ba la dep na ka liang jong ka Executive Committee jong ka seng kan sa ia shong la shai ka sngi ban shim ia ki rai bad ban pynbna syndon ia ki jingiakhih.
Na ka liang jong u Bah Paul u la ong ba kane baroh ka jingleh jong ka sorkar ba kam shym la sngap ia ka jingdawa jong ka seng. Na ka liang jong ka seng kam kwah ban pynlong ia ki jingiakhih hynrei haba ka sorkar kam sngap haba la aid a ka jingthoh kim ban se ban pynbna la shai ka sngi ia ka jingiakhih ka jong ki ha dien jong ka jingialang jong ka Executive Committee.(SP News)
