Shillong, Kyllalyngkot 10: U Rinaldo K Sangma MDC jong ka 23-Rongrong Konstitwensi u la dawa ba ka sorkar ka dei ban bthah ia u kontraktor ban pynstep ia ka jingsiangrong ia ka surok na Resulbelpara kaba iaid lyngba ka Gajing ban poi sha Mendipathar.
U MDC jong ka GHADC u la ong ba katei ka surok ka dei ka surok kaba don kam tam ia ki paidbah ka North Garo Hills ha kaba da ki hajar ki paidbah ki iaid lyngba kane ka surok ban leit ophis, leit skul bad bun ki shnong ki hap iaid lyngba jong ka.
U MDC katei ka jaka la ong ba u myntri rangbah ka jylla ym die ban ialeh politic bad ki kam pynroi jong ki paidbah, u dei ban bthah ia u kontraktor ba u dei ban pynkloi ha kaba pyntrei ia kane ka jingsiang rong ia katei ka surok kaba ki paidbah ki don kam.
U Rinaldo u la ong ruh ba ia ka surok kaba dei na Damra ban leit sha Resubelpara ban mih sha Bajengdoba ia kane ka surok ym pat leh ei ei haduh mynta wat la la sdang ia kane ka jingtrei naduh u snem 2019 bad ka jingujor kaba man ka por halor kane ka surok kaba la aiti sha ka Badri Rai Company ban pyntrei.
