Shillong, Nailur 24: Da kajingthmu ban pynsngewthuh paidbah ia ka jingtrei kam jong ki nongsam dawai la ka long ia ki paidbah bad ki briew sorkar ka seng Indian Pharmacists Revolution Yatra (IPRY) kaba la seng mynta u snem ha Jantar Mantar mynta ka la don ha Meghalaya ruh.
Kane ka jingiaid lynti jong ka seng kala sdang na ka jylla Jammu & Kashmir Punjab, Himachal, Uttarakhand, Uttarpradesh, Haryana, Rajasthan, Gujarat, Bihar, Jharkhand, Chhatisgarh, Odisha, West Bengal, Sikkim, Assam, Tripura, Mizoram, Manipur, Nagaland, Arunachal Pradesh bad mynta ha Meghalaya.
Haba kren ha ki nongthoh khubor mynta ka sngi u nongialam jong ka IPRY u Amitav Joyprakash Chaudhury ha Shillong Press Club u la ong ba ka kam kaba ha khmat eh jong ka sorkar mynta ka dei ban pynklla ia ka Drug and Cosmetics Act 1945, bad kiwei kiwei ki ain kiba ia dei ha ka liang ka koit ka khiah.
Na ka liang jong ka IPRY ka long kaba la kloi ban shakri ia kipaidbah jong ka jylla Meghalaya bad ban leh ia kane don kam ia ka jingia shnoh kti lang jong ka sorkar.(SP News)
