Shillong, Nailur 25: U Rev PBM Basaiawmoit mynta ka sngi u la thoh sha u myntri rangbah ka jylla u Dr Mukul Sangma ban tyrwa ia lade ba u long u ba la kloi ban long u ksaing hapdeng ka sorkar bad ki seng bhalang ban wanrah ia ka jingsuk ha kane ka jylla na kane ka jingiakhih jong ka seng bhalang halor ka jingdawa ia la ILP.
Na ka liang jong u pastor u la ong ba u la thoh ia kane ka jingthoh sha u myntri rangbah ka jylla ha dein ba ki riew rangbah ki la kyrpad ia u ba u dei ban leh ei ei ban wanrah ia ka jingshong suk ha kane ka jylla ban pynia kynduh biang ia ka sorkar bad ki seng bhalang ban pynpoi biang ia ki sha ka miet jingiakren, kane ka jingthoh ka long ban pyntip lada kloi ban pdiang na ka bynta ka jingbha jong ki paidbah.
U Pastor Basaiawmoit u la pyntihtuh ia lade ba u la don ka jingiatreilang lang naduh ka por jong u myntri rangbah D D Pugh, Captain WA Sangma, BB Lyngdoh, Purno A Sangma bad DD Lapang bad Dr F A Khonglam.
Ha kane ka jingthoh u Pastor u la ong ba wat la u la dep ban iohi ia ka jingkren jong u myntri rangbah ban nym pyntrei kam ia ka ILP ha kane ka jylla, ka jingkam jong u myntri rangbah ka long ba ka Tenancy Act kam kham bha hynrei namar bay m pat iohi ia kane yn pat lah ban kubur ei ei ruh em.
U Pastor u la pynkynmaw ba ka jingiakhih ban beh ia ki nongwei ka la sdang naduh u snem 1979 bad kane ka la wanrah ia ka jingpyntreikam ia ka Foreign National Tribunal bad ia ka Anti-Infiltration Cell da ka sorkar United Meghalaya Peoples Democratic Forum (UMPDF) kaba la lam khmat da u BB Lyngdoh.
Na ka liang jong u Pastor u la ong ba ki ain ki dei kiba la shana da u briew kiba lah ban don bun ki jingpyndap na ka bynta ka jingbha, ki ain kiba pyntrei kam ki dei bna long kiba la pynbit pynbiang bha bad kim dei ban ailad ba kan long ka jingia lum pisa la ong u Pastor.(SP News)
