Shillong, Risaw 09: ka Civil Society Women’s Organization ( CSWO), kaba dei ka kynhun jong ka Kong Irene P Hujon kala phah da ka jingthoh sha u myntri rangbah ka jylla ban ai khublei ia u myntri rangbah ka jylla ba u la ing skhem ha kaba ia dei bad ka Inner Line Permit, ka jingwan kyrthep jong ki briew kiba na bar ka dei ka kam kaba baroh ki sngewkhia.
Ha ka juh ka por ha kane ka dorkhas kaba ki la phah sha u myntri ranbah halor kane ka jingiakhih ka dei ban don ka lad ka lynti kumno ban wan sha ka jingiasngewthuh jingmud lang namar kane ka jingiapynibor kaba mar kylliang kan nym wanrah ia ka jingbha ia ka jylla.
Ha ka dorkhas la ong ba kane ka jingiakhih ka la ktah ia ki paidbah ki duk ki rangli bad ia ki nongkhaii pateng bad ia kiwei kiwei ki bynta ruh ka la ktah lut khoit da ka jingdon kine ki jingiakhih kum ka pakhang shnong bad pakhang surok.
Ha ka juh ka por na ka liang jong ka CSWO kaba dei ka kynhun jong ka kong Irene ka la ong ba jin da kine ki seng bhalang ki shim ia ki lad jingiakhih da la lynti katkum ka riti synshar paidbah khlem da pynjot ia ki jingdon jingem jong ka sorkar lane jong ki riew shimet kane ka la wanrah ka jingsngew khia kaba jur ha ka seng.
Ha ka juh ka por na ka liang jong ka CSWO ka kyntu ia ka sorkar ba ka dei ban wad ki lad ki lynti ba kan lah ban the lakam ia kane ka jingiakhih bad na ka liang jong ka CSWO jong ka kynhun ka kong Irene ki la ong ba kane ka ILP kan nym wanrah kano kano ka jingmyntoi ia ki paidbah ka jylla hynrei kan ktah pynban ia ka ioh ka kot bad ka roi ka par jong ka jylla
Kumba ka long mynta ka jylla Meghalaya ka hap ban shaniah lut ia baroh ki jingdon kam na kiwei ki jylla jong ka Ri India. Ha ka juh ka por na ka liang jong ka seng ka iohi ba ki kynnah kiba dei ban don ha ki jaka pule ki ialp miet pynban ha kane ka jingiakhih
Na ka liang jong ka CSWO kaba dei jong ka kong Irene ka la kyntu ia ka sorkar ba ka dei ban leh ei ei ban pynjah noh ia kane ka jingiakhih kaba la ktah ia ki paidbah na ka daw jong kane ka jingiakhih ha ka kyrteng jong ka Inner Line Permit.(SP News)
