Shillong, Naiwieng 01: Mynta ka sng u bah Comingone Ymbon, myntri ba dei peit ia ka tnad sam bam u la khot ia ka jingialang ban ia kren kumno ban pynbha ia ka rukom sam khaw ha ka jingiadon lang ki ophisar na ka jylla bad na ka Food Corporation of India (FCI).
Ha kane ka jingialang la don lang ki ophsiar na ki District kiba deipeit ia ka ka jingsam ia khaw ha District bad ki Civil Sub Division, kane ka jingialang la khot ban iakren kumno ban pynbha ia ka jingsam ia ki mar bam sha ki paidbah,ha kane ka jingialang u P. Bakshi, IAS, Commissioner & Secretary, Food Civil Supplies & Consumer Affairs u la don lang.
Ha kane ka jingiakynduh mynta ka sngi la ia kren ruh ia ka jingtei iaka kudam jong ka FCI ha Sohryngkham, la ia kren ban pynduna ia ka jingjngai ki kudam ka FCI na ki dukan sam ration ha ka jylla ia kane lah ban leh da ka jingiatreilang. Kane kan long ka jingiarap ban pynbha ia ka rukom sam bam sha ki paidbah la ong u myntri.
