Shillong, Risaw 30: Ka KSU Environment protection cell mynta ka sngi ka 30 tarik u Risaw hapoh ka jingialam u Environment secretary ka seng Samla Shiningstar Kharbihkhiew ka la leit ban buh daka shithi kum shi bynta ban pynduna bad ruh ban khang iaka jingde laitlan iaki bom ha kane ka Diwali.
Ka seng ka la pynsgew ba na ka liang ka seng kam don jingwit iaka jinglehniam Diwali hynrei dei pat ban pynduna (restrict) bad ruh ban khang iaka jingde laitlan iaki bom kiba ktah ka sawdong sawkun.
Ka seng ka la pynsngew ruh ba dei ban bud biang iaka notification ba lah pynmih da ka sorkar na uwei u snem sha uwei u snem ka ba kdew ba ka jingde laitlan iaki bom kin dei tang iakiba la thuh da ka district administration ba dei peit bad ruh iaka por ban thang dei ban pynduna katkum ka notification.
Ka seng ka la dawa ruh ba iaki jaka ba don ki hospital ki jaka pule hapoh 100 metres ba don kine ki jaka bad ki jaka ba la pynbna ki silent zones dei ban khan shisyndon ban de bad pynbthei bom ha kito ki thaiñ.
Ka seng ka pynsgew ruh ba iaka leh niam Diwali lah ban rakhe ha ka rukom ban nym ktah iaka mei mariang da kaba shu pyndonkam iaki jingthang kum ki rongoli ki diyas ,oil lamps eco friendly decoration, sky lanterns bad glow sticks ha kane ka jing rakhe.
Ha ka jingia kynduh na ka liang ka DC ka lah iathuh ba ka lah dep ban lum ia ka meeting bad ki sector officer bad lada don kino kino kiba leh pyrshah kin pynshitom kat kum ka ain bad la ong ba la shah tang iaki jing rakhe ba long Eco friendly bad ia kane ka jingpysngew ban pynduna bad khang lah leh ruh ha baroh ki district lyngba ki district unit ka seng.
