Shillong, Kyllalyngkot 28: U Chairman jong ka KHADC u Bah Pynshngian Syiem ha dien ba la ioh ia ka rai jong ka High Court jong ka jylla Meghalaya kaba la pynksan ia u CEM jong ka KHADC halor ka mukotduma kaba ia dei bad ka jingthung ia ki Executive Member u la ong ba ka jingkynnoh baroh ka leit sha ka sorkar jylla ia ka jingdkoh trei kam hapoh jong ka KHADC ha kine ki ar bnai.
U Bah Syiem u la ong ba u pdiang sngewbha ia kane ka rai jong ka iing bishar mynta ka sngi bad da kane ka rai jong ka iing bishar kan pynbeit ia ki jingeh kiba ha dien ha but ruh kum juh ha kaba kano kano ka sorkar kaba wan ha dien ha but kin nym ialehkai shuh bad ki District Council.
U Chriman jong ka KHADC u la ong ba ka jingkwah jong ka sorkar ban pynjari ia ka Administrator Rule ka long ka bymdon nongrim, ka daw ka long bay m juh don Administrator Rule , hynrei ka don tang ka Governor Rule. Ka rai jong ka iing bishar mynta ka sngi ka long ka jinglehrain ia ka sorkar jylla.
Ha ka rai jong ka iing bishar mynta ka sngi, kala kdew shai ba ia ki myntri kabinet ha sorkar pdeng dei u mytnri rangbah duh jong ka Ri ban phah sha u President, ha jylla u myntri rangbah un phah ia ki kyrteng jong ki mytnri sha u Lat ka jylla bad ha District Council dei u CEM ban phah ia ki kyrteng sha u Lat ka jylla.
